ನಮ್ಮಲ್ಲಿನ ಮಣ್ಣುಗಳ ಆರೋಗ್ಯ ಸ್ಥಿತಿಯನ್ನು ಪರಿಶೀಲಿಸುವಾಗ, ಮಣ್ಣಿನ ಆರೋಗ್ಯ ಸೂಚಕವಾಗಿ ಗಮನಿಸುವ ಮೊದಲ ಅಂಶವೇ ಆ ಮಣ್ಣಲ್ಲಿ ಎರೆಹುಳುಗಳು ಇವೆಯೇ ಎಂಬುದು ! ಬಹಳ ಸುಲಭವಾಗಿ ಎರೆಹುಳುಗಳನ್ನು ನಾವು ಗುರುತಿಸಬಹುದು.
ನಮ್ಮ ಮಣ್ಣಲ್ಲಿ ಎರೆಹುಳುಗಳು ಇವೆಯೆಂದಲ್ಲಿ, ಆ ಮಣ್ಣು ಎರೆಹುಳುಗಳು ವಾಸಿಸಲು ಪೂರಕವಾದ ವಾತಾವರಣವನ್ನು ಹೊಂದಿದೆ ಎಂದೇ ಅರ್ಥ. ಅಂದರೆ:
- ಮಣ್ಣು ತಂಪಾಗಿದೆ
- ಮಣ್ಣಲ್ಲಿ ಎರೆಹುಳುಗಳಿಗೆ ಆಹಾರವಾದ ಸಾವಯವ ವಸ್ತುಗಳಿವೆ
- ಆ ಮಣ್ಣಿನ ಬಣ್ಣ ಸ್ವಲ್ಪ ದಟ್ಟವಾಗಿದೆ
- ಆ ಮಣ್ಣಲ್ಲಿ ಸುವಾಸನೆಯಿದೆ
- ಆ ಮಣ್ಣು ಹುಡಿಹುಡಿಯಾಗಿದೆ
- ಆ ಮಣ್ಣಲ್ಲಿ ತೇವಾಂಶದ ಪ್ರಮಾಣವೂ ಇದೆ.
- ಉತ್ತಮ ಮಣ್ಣಿನ ಗುಣಲಕ್ಷಣಗಳು ಆ ಮಣ್ಣಲ್ಲಿ ಕಂಡಿವೆಯೆಂದರೆ,
- ಆ ಮಣ್ಣು ಜೀವಂತವಾಗಿದೆ
- ಸಜೀವಿಯಾಗಿದೆ ಎಂದೇ ಭಾವಿಸಬಹುದು.
ಅಂತಹ ಮಣ್ಣನ್ನು ಇನ್ನಷ್ಟು ಸುಧಾರಿಸುವತ್ತ – ಇನ್ನಷ್ಟು ಮಣ್ಣಲ್ಲಿ ವಾಸಿಸುವ ವಿವಿಧ ಬಗೆಯ ಮಣ್ಣುಜೀವಿಗಳ ಸಂಖ್ಯೆ ಮತ್ತು ಪ್ರಮಾಣ ಹೆಚ್ಚಿಸುವತ್ತ ಗಮನಹರಿಸಬೇಕು.