ಮಳೆ ಮಾಪಕಗಳು ಮಳೆ ಪ್ರಮಾಣ ಅಳೆಯಲು ಬಳಸಲಾಗುವ ಕೆಲವು ಮೂಲಭೂತ ಮತ್ತು ಅಗತ್ಯ ಸಾಧನಗಳು. ಇದನ್ನು 15ನೇ ಶತಮಾನದಲ್ಲಿಯೇ ಕೃಷಿ ಉದ್ದೇಶಗಳಿಗಾಗಿ ರಚಿಸಲಾಯಿತು ಎಂದು ತಿಳಿದು ಬರುತ್ತದೆ. ಮಳೆ ಮಾಪಕವನ್ನು ಮಳೆ ಪ್ರಮಾಣ, ಹವಾಮಾನ ಮಾದರಿಗಳು ಮತ್ತು ಪ್ರವಾಹಗಳು ಮತ್ತು ಅನಾವೃಷ್ಟಿಗಳಂತಹ ಅಪಾಯಗಳನ್ನು ಅಳೆಯಲು ವ್ಯಾಪಕವಾಗಿ ಬಳಸಲಾಗುತ್ತಿದೆ.
ಕಳೆದ ಕೆಲವು ನೂರು ವರ್ಷಗಳಿಂದ ಮಳೆ ಮಾಪಕದ ಮೂಲ ವಿನ್ಯಾಸವು ಹೆಚ್ಚು ಬದಲಾಗಿಲ್ಲ. ಇದು ಸಿಲಿಂಡರ್ ಆಕಾರದ ಕಪ್ ಅನ್ನು ಒಳಗೊಂಡಿರುತ್ತದೆ. ಮಳೆ ನೀರನ್ನು ಸಂಗ್ರಹಿಸುವ ಮತ್ತು ಸೆರೆಹಿಡಿಯುವ ಕೊಳವೆಯಂತಹ ವ್ಯವಸ್ಥೆ ಹೊಂದಿದೆ.
ಮಳೆಮಾಪಕವು ಮಳೆ ನೀರನ್ನು ಕೊಳವೆಯೊಳಗೆ ಸೆರೆಹಿಡಿಯುವ ಮತ್ತು ಸಂಗ್ರಹಿಸುವ ಮೂಲಕ ಕಾರ್ಯನಿರ್ವಹಿಸುತ್ತದೆ. ಕೊಳವೆಯು ಮಳೆ ನೀರನ್ನು ಕೆಳಗಿನ ಸಿಲಿಂಡರ್ ಆಕಾರದ ಕಪ್‌ಗೆ ಸಾಗಿಸುತ್ತದೆ. ಕೊಳವೆಯ ಆಕಾರವು ಎಲೆಗಳಂತಹ ಅನಗತ್ಯ ತ್ಯಾಜ್ಯಗಳನ್ನು ಹೊರಗಿಡಲು ಸಹಾಯ ಮಾಡುತ್ತದೆ. ಸಿಲಿಂಡರಾಕಾರದ ಕಪ್ ನಲ್ಲಿ ಕುಳಿತಿರುವ ನೀರು ಒಟ್ಟು ಆ ಪ್ರದೇಶದಲ್ಲಿ ಬಿದ್ದ ಮಳೆಯ ಮಾಪನವಾಗಿರುತ್ತದೆ.
ಚಂಡಮಾರುತವು ಹಾದುಹೋದ ನಂತರ, ಹವಾಮಾನ ವೀಕ್ಷಕರು ಎಷ್ಟು ಮಳೆ ಬಿದ್ದಿದೆ ಎಂಬುದನ್ನು ನಿಖರವಾಗಿ ನೋಡಬಹುದು. ಒಂದು ಪ್ರದೇಶದಾದ್ಯಂತ ಹರಡಿರುವ ಹಲವಾರು ಮಳೆಮಾಪಕಗಳ ಅವಲೋಕನಗಳ ಸಂಗ್ರಹವು ಹವಾಮಾನಶಾಸ್ತ್ರಜ್ಞರು ಯಾವ ಪ್ರದೇಶಗಳಲ್ಲಿ ಹೆಚ್ಚು ಮಳೆಯಾಗಿದೆ ಎಂಬುದನ್ನು ತಿಳಿಯಲು ಸಹಾಯ ಮಾಡುತ್ತದೆ. ಬರಗಾಲವನ್ನು ಮೇಲ್ವಿಚಾರಣೆ ಮಾಡಲು ಡೇಟಾವನ್ನು ಸಹ ಬಳಸಬಹುದು.
ಬರಗಾಲವನ್ನು ಮೇಲ್ವಿಚಾರಣೆ ಮಾಡುವುದು ಪ್ರಪಂಚದಾದ್ಯಂತ ಮಳೆ ಮಾಪಕಗಳ ಪ್ರಮುಖ ಬಳಕೆಯಾಗಿದೆ, ವಿಶೇಷವಾಗಿ ಕೃಷಿಗೆ ಬಂದಾಗ. ಉದಾಹರಣೆಗೆ, ರೈತರು ತಮ್ಮ ಬೆಳೆಗಳಿಗೆ ನೀರುಣಿಸಲು ಮಳೆಯನ್ನು ಅವಲಂಬಿಸಿದ್ದಾರೆ. ಇದರಿಂದ ವರ್ಷದ ಯಾವಯಾವ ಸಮಯದಲ್ಲಿ ಆಯಾ ಪ್ರದೇಶಗಳಲ್ಲಿ ಎಷ್ಟೆಷ್ಟು ಪ್ರಮಾಣದ ಮಳೆ ಬಿದ್ದಿದೆ ಎಂಬ ಅಂಕಿಅಂಶಗಳು ಬೆಳೆ ಯೋಜನೆ ರೂಪಿಸಲು ಸಹಾಯಕ.
ಮಳೆ ಮಾಪಕಗಳ ಮಾಹಿತಿಯು ಹವಾಮಾನ ತಜ್ಞರಿಗೆ ಪ್ರವಾಹದಂಥ ಜೊತೆಗೆ ಇತರ ಹವಾಮಾನ ಸಂಬಂಧಿತ ವಿಪತ್ತುಗಳಿಗೆ ತಯಾರಿ ಮಾಡಲು ಸಹಾಯ ಮಾಡುತ್ತದೆ. ನೆನಪಿಡಿ, ಮಳೆ ಮಾಪಕಗಳು ಜಿಲ್ಲೆಯಾದ್ಯಂತ ಇರುತ್ತವೆ. ಹತ್ತಿರದ ಮಳೆ ಮಾಪಕಗಳು ಗಮನಾರ್ಹವಾದ ಮಳೆಯ ಮೊತ್ತವನ್ನು ವರದಿ ಮಾಡಲು ಪ್ರಾರಂಭಿಸಿದರೆ, ಭಾರೀ ಮಳೆಯು ದಾರಿಯಲ್ಲಿದೆ ಎಂಬ ಸೂಚನೆಯಾಗಿರಬಹುದು. ಅಪಾಯಕಾರಿ ಹವಾಮಾನದ ಬಗ್ಗೆ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಲು ಹವಾಮಾನಶಾಸ್ತ್ರಜ್ಞರು ಈ ಮಾಹಿತಿಯನ್ನು ಬಳಸುತ್ತಾರೆ.
ರಾಡಾರ್‌ಗಳು ಮತ್ತು ಉಪಗ್ರಹಗಳಂತಹ ಸುಧಾರಿತ ತಂತ್ರಜ್ಞಾನವು ಹವಾಮಾನಶಾಸ್ತ್ರಜ್ಞರು ಶೀಘ್ರವಾಗಿ ಮಳೆಯ ಘಟನೆಗಳನ್ನು ತಿಳಿಯಲು ಸಹಾಯಕ. ಆದರೂ ರಾಡಾರ್‌ಗಳು ಮತ್ತು ಉಪಗ್ರಹಗಳಿಂದ ಅಂದಾಜು ಮಾಡಲಾದ ಅಳತೆಗಳು ಸಂಪೂರ್ಣವಾಗಿ ನಿಖರವಾಗಿರುವುದಿಲ್ಲ. ಮಳೆ ಮಾಪಕಗಳು ನಿರ್ದಿಷ್ಟ ಹವಾಮಾನ ಘಟನೆಗಳ ನಿಖರವಾದ ಅಳತೆ ಮತ್ತು ದೃಢೀಕರಣವನ್ನುಒದಗಿಸುತ್ತವೆ.
ಈ ವಿವರಣೆ ಮೂಲಕ ಮಳೆ ಮಾಪಕಗಳು ಏಕೆ ಬಹಳ ಮುಖ್ಯವೆಂದು ಅರ್ಥವಾಗುತ್ತದೆ. ನೀವು ಸ್ವತಃ ಮಳೆ ಪ್ರಮಾಣ ದಾಖಲೀಕರಣ ಮಾಡುವ ವ್ಯಕ್ತಿಯಾಗಿಯೂ ಕಾರ್ಯ ಮಾಡಬಹುದು. ಇದಕ್ಕಾಗಿ ಸ್ವಂತ ಮಳೆ ಮಾಪಕ ರೂಪಿಸಬಹುದು ಅಥವಾ ಮಾರುಕಟ್ಟೆಯಲ್ಲಿ ದೊರೆಯುವ ಮಾಪಕ ಖರೀದಿ ಮಾಡಬಹುದು. ಇದು ಇದರಲ್ಲಿ ಬೇರೆಬೇರೆ ಬೆಲೆಯ ಮಾಪಕಗಳು ದೊರೆಯುತ್ತವೆ. ಕೈಗೆಟುಕುವ ಬೆಲೆಯ ಮಾದರಿ ಖರೀದಿ ಮಾಡಬಹುದು.
