ಭಾರತದಲ್ಲಿ ಪಕ್ಷಿಗಳ ಸಂಖ್ಯೆ ಕುಸಿತ; ಹಲವು ಅನಾಹುತಗಳಿಗೆ ಆಹ್ವಾನ

ಭಾರತದಲ್ಲಿನ ಬಹುಪಾಲು ಪಕ್ಷಿ ಪ್ರಭೇದಗಳು ಕ್ಷೀಣಿಸುತ್ತಿವೆ. ಇದು  ಜೀವವೈವಿಧ್ಯದ ನಷ್ಟ ಮತ್ತು ಪರಿಸರದ ಮೇಲೆ ಮಾನವಜನ್ಯ ಒತ್ತಡಗಳ ಆತಂಕಕಾರಿ  ಸ್ಪಷ್ಟಸೂಚನೆಯಾಗಿದೆ.  ರಾಷ್ಟ್ರದಲ್ಲಿ ಪಕ್ಷಿ ವೈವಿಧ್ಯ, ಅವುಗಳ ಸಂಖ್ಯಾ ಗಣತಿ ಘಟಿಸಿದ, ಘಟಿಸುತ್ತಿರುವ ಅನಾಹುತಕಾರಿ ಸಂಗತಿಗಳಿಗೆ ಕನ್ನಡಿ ಹಿಡಿದಿದೆ.

ಪಕ್ಷಿಗಳು ಹಲವಾರು ಪ್ರಮುಖ ಪರಿಸರ ವ್ಯವಸ್ಥೆಯ ಸೇವೆಗಳನ್ನು ನಿರ್ವಹಿಸುತ್ತವೆ, ಬೀಜ ಪ್ರಸರಣ, ಪರಾಗಸ್ಪರ್ಶ ,   ಪರಭಕ್ಷಕಗಳು, ಪರಿಸರ ಸ್ವಚ್ಛತಾ ಕಾರ್ಯಕರ್ತರಾಗಿ, ಕೃಷಿ-ತೋಟಗಾರಿಕೆ ಬಾಧಿಸುವ ಹಾನಿಕಾರಕ ಕೀಟಗಳ ನಿಯಂತ್ರಣಕಾರರಾಗಿ ಕಾರ್ಯನಿರ್ವಹಿಸುತ್ತವೆ.

ವರದಿಯಲ್ಲಿ  ಪ್ರಸ್ತಾವಿತವಾಗಿರುವ ಸುಮಾರು 60% ಪಕ್ಷಿಗಳು 30 ವರ್ಷಗಳ ದೀರ್ಘಾವಧಿಯಲ್ಲಿ ಇಳಿಮುಖವಾಗಿವೆ. ಈ ಸಂಗತಿಯೇ ಕಳವಳಕಾರಿಯಾಗಿದೆ.  ಕಳೆದ ಎಂಟು ವರ್ಷಗಳಲ್ಲಿ ಸುಮಾರು ಶೇಕಡ 40 ಇಳಿಮುಖವಾಗುತ್ತಿರುವುದು ಕಂಡುಬಂದಿದೆ.

“ಪಕ್ಷಿಗಳ ಅವನತಿ  ಸಂಖ್ಯೆಯು ಪರಿಸರ ವ್ಯವಸ್ಥೆಯ ಕಾರ್ಯನಿರ್ವಹಣೆಯ ಕ್ಷೀಣಿಸುವಿಕೆ, ಅಥವಾ ಸಂಪನ್ಮೂಲ ಲಭ್ಯತೆ ಅಥವಾ ಆವಾಸಸ್ಥಾನದ ಕುಸಿತದ ಕಾರಣಗಳಿಂದ ಆಗಿರಬಹುದು. ಆದರೆ ಇನ್ನೊಂದು ದಿಕ್ಕಿನಲ್ಲಿ ಇದರ ದುಷ್ಪರಿಣಾಮಗಳನ್ನು ಸಹ ಕಾಣಬಹುದು. ರಾಪ್ಟರ್‌ ಪಕ್ಷಿಗಳ ಸಂಖ್ಯಾ  ಕುಸಿತವು ಕೃಷಿಗೆ, ಆಹಾರ ಸಂಗ್ರಹಣೆಗೆ ತೊಡಕಾಗಿರುವ  ಇಲಿ-ಹೆಗ್ಗಣಗಳ ಸಂಖ್ಯೆ ಹಲವು ಪಟ್ಟು ಹೆಚ್ಚಾಗುವುದಕ್ಕೆ ಕಾರಣವಾಗುತ್ತದೆ. ಈ ಸಂಖ್ಯೆ ಹೆಚ್ಚುತ್ತಾ ಹೋಗುತ್ತದೆ.  ”ಎಂದು ಮೌಲ್ಯಮಾಪನಕ್ಕೆ ಕೊಡುಗೆ ನೀಡಿದ ಸಂಸ್ಥೆಗಳಲ್ಲಿ ಒಂದಾದ ನೇಚರ್ ಕನ್ಸರ್ವೇಶನ್ ಫೌಂಡೇಶನ್‌ನ ಸಂಶೋಧನಾ ಸಹವರ್ತಿ ಅಶ್ವಿನ್ ವಿಶ್ವನಾಥನ್ ಹೇಳುತ್ತಾರೆ.

ಭಾರತದಲ್ಲಿನ ಪಕ್ಷಿಗಳ ಸಂಖ್ಯಾ ಗಣತಿ, ಸ್ಟೇಟ್ ಆಫ್ ಇಂಡಿಯಾಸ್ ಬರ್ಡ್ಸ್ 2023 ವರದಿಯಲ್ಲಿದೆ. ಇದನ್ನು ಸರ್ಕಾರೇತರ ಮತ್ತು ಲಾಭೋದ್ದೇಶವಿಲ್ಲದ  13 ಸಂರಕ್ಷಣಾ ಸಂಸ್ಥೆಗಳ ಒಕ್ಕೂಟವು ಆಗಸ್ಟ್ 25 ರಂದು ಬಿಡುಗಡೆ ಮಾಡಿದೆ. ಈ ವರದಿಯು ಮತ್ತು 30 ಮಿಲಿಯನ್ ಪಕ್ಷಿಗಳ ವೀಕ್ಷಣೆಯನ್ನು ಆಧರಿಸಿದೆ. ವರದಿಯು ಹೆಚ್ಚಿನ ಸಂರಕ್ಷಣೆಯ ಆದ್ಯತೆಯ 178 ಪಕ್ಷಿಗಳನ್ನು ಗುರುತಿಸಿದೆ.

ಪಕ್ಷಿಗಳ ಸಂರಕ್ಷಣೆಗಾಗಿ ತುರ್ತು ಕ್ರಿಯಾ ಯೋಜನೆಗಳು ಮತ್ತು ಅವುಗಳ ಅವನತಿಗೆ ಕಾರಣವಾಗುವ ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಆಳವಾದ ಸಂಶೋಧನೆಯ ಅಗತ್ಯವಿದೆ. ಪಕ್ಷಿ ಪ್ರಬೇಧಗಳಾದ  ಸಾರಸ್ ಕ್ರೇನ್, ಇಂಡಿಯನ್ ಕೋರ್ಸರ್, ಅಂಡಮಾನ್ ಸರ್ಪ ಹದ್ದು ಮತ್ತು ನೀಲಗಿರಿ ನಗುವ ಥ್ರಷ್ ಸೇರಿವೆ.

ಆಶಿ ಪ್ರಿನಿಯಾ, ರಾಕ್ ಪಾರಿವಾಳ, ಏಷ್ಯನ್ ಕೋಯೆಲ್ ಮತ್ತು ಭಾರತೀಯ ನವಿಲುಗಳಂತಹ ಕೆಲವು ಪ್ರಭೇದಗಳ ಸಂಖ್ಯೆಯೂ ಇತ್ತೀಚಿನ  ವರ್ಷಗಳಲ್ಲಿ ಆಶ್ಚರ್ಯಕರವಾಗಿ ಹೆಚ್ಚಿವೆ ಎಂದು ವರದಿಯಲ್ಲಿ ಪ್ರಸ್ತಾಪಿಸಲಾಗಿದೆ.

ಒಟ್ಟಾರೆಯಾಗಿ, ಫಲಿತಾಂಶಗಳು ತೀವ್ರ ಚಿಂತೆಗೆ ಕಾರಣವಾಗಿವೆ.  ಇಂಟರ್ನ್ಯಾಷನಲ್ ಯೂನಿಯನ್ ಫಾರ್ ಕನ್ಸರ್ವೇಶನ್ ಆಫ್ ನೇಚರ್ ( IUCN )  14 ಪಕ್ಷಿ ಪ್ರಬೇಧಗಳ ಮರು-ವರ್ಗೀಕರಣಕ್ಕೆ ಕರೆ ನೀಡುತ್ತವೆ. ಅಳಿವಿನಂಚಿಲ್ಲಿರುವ ಪಕ್ಷಿಗಳೆಂದು ಗುರುತಿಸಬೇಕೆಂದು ಸೂಚಿಸಲಾಗಿದೆ.

ತೆರೆದ ಆವಾಸಸ್ಥಾನಗಳು

ಕಳೆದ ವಾರ ಬಿಡುಗಡೆಯಾದ ವರದಿಯು ಸ್ಟೇಟ್ ಆಫ್ ಇಂಡಿಯಾದ ಪಕ್ಷಿಗಳ ವರದಿಯು ಎರಡನೇ ಆವೃತ್ತಿಯಾಗಿದೆ, ಅದರಲ್ಲಿ ಮೊದಲನೆಯದನ್ನು 2020 ರಲ್ಲಿ ಬಿಡುಗಡೆ ಮಾಡಲಾಗಿದೆ. ಇತ್ತೀಚಿನ ವರದಿಯು 942 ಪಕ್ಷಿ ಪ್ರಭೇದಗಳನ್ನು ಮೌಲ್ಯಮಾಪನ ಮಾಡಿದೆ ಮತ್ತು 30 ಮಿಲಿಯನ್ ವೀಕ್ಷಣೆಗಳನ್ನು ಆಧರಿಸಿದೆ.

30,000ಕ್ಕೂ ಹೆಚ್ಚು ನಾಗರಿಕ ಪಕ್ಷಿವೀಕ್ಷಕರಿಂದ eBird ಪೋರ್ಟಲ್, ಗಣತಿಯ ಅಂಕಿಅಂಶಗಳನ್ನು ಸಂಗ್ರಹಿಸಿದೆ. . ಇದರ ಫಲಿತಾಂಶ  ಕಡಿಮೆ ಅಥವಾ ಹೆಚ್ಚು ಸಂಘಟಿತವಾಗಿರಬಹುದು. ಆದರೆ ಅಗತ್ಯವಿರುವ ಪ್ರಮಾಣದಲ್ಲಿ ಜೈವಿಕ ವೈವಿಧ್ಯತೆಯ ಮೌಲ್ಯಮಾಪನಕ್ಕಾಗಿ ಮಾಹಿತಿಯನ್ನು  ರೂಪಿಸುವ ಏಕೈಕ ಮಾರ್ಗವಾಗಿದೆ” ಎಂದು ವರದಿ ಹೇಳುತ್ತದೆ.

“ಕಳೆದ ಬಾರಿಗಿಂತ ಹೆಚ್ಚು ದೃಢವಾದ ಅಂಕಿಅಂಶಗಳ ವಿಶ್ಲೇಷಣೆ, ಹೆಚ್ಚಿನ ದತ್ತಾಂಶ ಮತ್ತು ಹೆಚ್ಚಿನ ಅವಲೋಕನಗಳೊಂದಿಗೆ, ಪಕ್ಷಿಗಳ ಸಂಖ್ಯೆಯು ಕ್ಷೀಣಿಸುತ್ತಿರುವುದನ್ನು ನೋಡಿ ನಮಗೆ ಆಶ್ಚರ್ಯವಾಯಿತು. ಇದು ನಾವು ಈ ಹಿಂದೆ ಅರಿತುಕೊಂಡಿದಕ್ಕಿಂತ ಹೆಚ್ಚು ಗಂಭೀರವಾದ ಸಮಸ್ಯೆಯನ್ನು ಸೂಚಿಸುತ್ತದೆ, ”ಎಂದು ಸಲೀಮ್ ಅಲಿ ಸೆಂಟರ್ ಫಾರ್ ಆರ್ನಿಥಾಲಜಿ ಮತ್ತು ನ್ಯಾಚುರಲ್ ಹಿಸ್ಟರಿಯ ಹಿರಿಯ ವಿಜ್ಞಾನಿ ರಾಜಾ ಜಯಪಾಲ್ ಹೇಳಿದ್ದಾರೆ.

2022 ರ ಸ್ಟೇಟ್ ಆಫ್ ವರ್ಲ್ಡ್ಸ್ ಬರ್ಡ್ಸ್ ವರದಿಯ ಪ್ರಕಾರ ಭಾರತದಲ್ಲಿ ಪಕ್ಷಿಗಳ ಸಂಖ್ಯೆಯ ಕ್ಷೀಣಿಸುತ್ತಿರುವ ಪಥವು ಜಾಗತಿಕ ಪ್ರವೃತ್ತಿಯನ್ನು ಅನುಸರಿಸುತ್ತದೆ, ಅಲ್ಲಿ ಶೇಕಡ  48 ಪಕ್ಷಿಗಳು ಇಳಿಮುಖವಾಗಿವೆ. ಭಾರತವು ಪ್ರಪಂಚದ ಸುಮಾರು 1,350 ಪಕ್ಷಿ ಪ್ರಭೇದಗಳನ್ನು ಹೊಂದಿದೆ, ಅವುಗಳಲ್ಲಿ 78 ಭಾರತದಲ್ಲಿ ಮಾತ್ರ ಕಾಣಲು ಸಿಗುತ್ತವೆ.

ಪಕ್ಷಿಗಳು ಎಲ್ಲಾ ರೀತಿಯ ಪರಿಸರ ವ್ಯವಸ್ಥೆಗಳಲ್ಲಿ ವಾಸಿಸುತ್ತವೆ, ಕರಾವಳಿ ಮತ್ತು ಜೌಗು ಪ್ರದೇಶಗಲೂ, ಎತ್ತರದ ಪ್ರದೇಶಗಳು ಮತ್ತು ಉಷ್ಣವಲಯದ ಮಳೆಕಾಡುಗಳವರೆಗೆ. ಆದರೆ ತೆರೆದ ನೈಸರ್ಗಿಕ ಪರಿಸರ ವ್ಯವಸ್ಥೆಗಳನ್ನು, ನಿರ್ದಿಷ್ಟವಾಗಿ ಹುಲ್ಲುಗಾವಲುಗಳು ಮತ್ತು ಅರೆ-ಶುಷ್ಕ ಭೂದೃಶ್ಯಗಳನ್ನು ಅವಲಂಬಿಸಿರುವ ಪಕ್ಷಿಗಳು ವಿಶೇಷವಾಗಿ ದುರ್ಬಲವಾಗಿರುತ್ತವೆ. ಅಂತಹ ಪ್ರಭೇದಗಳು  ಶೇಕಡ 50ರಷ್ಟು ಕಡಿಮೆಯಾಗಿವೆ ಎಂದು ವರದಿ ಹೇಳುತ್ತದೆ.

ಒಂದು ಜ್ವಲಂತ ಉದಾಹರಣೆಯೆಂದರೆ ಗ್ರೇಟ್ ಇಂಡಿಯನ್ ಬಸ್ಟರ್ಡ್.  ಇದು ಭೂ ಬಳಕೆ ಬದಲಾವಣೆ ಮತ್ತು ಆವಾಸಸ್ಥಾನದ ನಷ್ಟದಿಂದಾಗಿ ಅಳಿವಿನ ಅಂಚಿನಲ್ಲಿದೆ. ತೀವ್ರ ಕುಸಿತವನ್ನು ಕಂಡಿರುವ  ಇತರ ಪ್ರಬೇಧಗಳಿವೆ “ನಿರ್ದಿಷ್ಟವಾಗಿ ಗಮನಿಸಬೇಕಾದ ಅಂಶವೆಂದರೆ ಗ್ರೇ ಶ್ರೈಕ್, ಏಕೆಂದರೆ ಇದು 80% ಕ್ಕಿಂತ ಹೆಚ್ಚು ನಿರ್ದಿಷ್ಟವಾಗಿ ಆತಂಕಕಾರಿ ದೀರ್ಘಕಾಲೀನ ಸಂಖ್ಯಾ ಕುಸಿತ ಕಂಡಿದೆ.

ಈ ಪಕ್ಷಿ ಪ್ರಬೇಧಗಳು ಚೆಸ್ಟ್‌ನಟ್-ಬೆಲ್ಲಿಡ್ ಸ್ಯಾಂಡ್‌ಗ್ರೌಸ್‌ನಂತಹ ಇತರ ಹುಲ್ಲುಗಾವಲು ಪ್ರದೇಶಗಳಲ್ಲಿ  ಅಥವಾ ತೆರೆದ ನೈಸರ್ಗಿಕ ಪರಿಸರ ವ್ಯವಸ್ಥೆಗಳಲ್ಲಿ ಉತ್ತಮವಾಗಿವೆ. ಇದು ತೆರೆದ ನೈಸರ್ಗಿಕ ಪರಿಸರ ವ್ಯವಸ್ಥೆಸಂರಕ್ಷಿಸುವ ಪ್ರಾಮುಖ್ಯತೆಯನ್ನು ಸೂಚಿಸುತ್ತದೆ ಎಂದು ವರದಿ ಹೇಳಿದೆ

ಜೌಗು ಪ್ರದೇಶಗಳಲ್ಲಿ ವಾಸಿಸುವ ಪಕ್ಷಿಗಳು ಮತ್ತು ಕಾಡುಗಳು ಮತ್ತು ತೋಟಗಳಂತಹ ಕಾಡು ಪ್ರದೇಶಗಳಲ್ಲಿ ವಾಸಿಸುವ ಪಕ್ಷಿಗಳು ಸಾಮಾನ್ಯ ಜಾತಿಗಳಿಗಿಂತಲೂ ಹೆಚ್ಚಾಗಿ  ಸಂಖ್ಯಾ ಕುಸಿತ ಕಂಡಿವೆ. ಈ ಅಂಶಗಳು ನೈಸರ್ಗಿಕ ಅರಣ್ಯ ಆವಾಸಸ್ಥಾನಗಳನ್ನು ಸಂರಕ್ಷಿಸುವ ಅಗತ್ಯವನ್ನು ಸೂಚಿಸುತ್ತದೆ.

ಮಾಂಸಹಾರಿ ಪಕ್ಷಿಗಳು (ರಣಹದ್ದುಗಳು ಮತ್ತು ಇತರ ರಾಪ್ಟರ್‌ಗಳು), ಹಣ್ಣುಗಳು ಮತ್ತು ಮಕರಂದ ಸೇವಿಸುವ ಪಕ್ಷಿಗಳು  (ಬಾರ್ಬೆಟ್‌ಗಳು ಮತ್ತು ಸನ್‌ಬರ್ಡ್‌ಗಳು), ಬೀಜಗಳು, ಧಾನ್ಯಗಳು, ಕೀಟಗಳ ಮೇಲೆ ಅವಲಂಬಿತ  (ಗುಬ್ಬಚ್ಚಿಗಳು ಮತ್ತು ಪಾರಿವಾಳಗಳು), ಮೀನುಗಳು, ಚೇಳುಗಳನ್ನು ತಿನ್ನುವ ಪಕ್ಷಿಗಳು (ಕಿಂಗ್ ಫಿಶರ್) ,  ಹಾರಾಡುವ ಕೀಟಗಳನ್ನು ತಿನ್ನುವ  (ವಾರ್ಬ್ಲರ್‌ಗಳು ಮತ್ತು ಫ್ಲೈಕ್ಯಾಚರ್‌ಗಳು) ಕಲುಷಿತ ಆಹಾರ ಮೂಲಗಳನ್ನು ಸೇವಿಸುವ ದುಸ್ಥಿತಿಗೆ ತಲುಪಿವೆ.

“ಭಾರತದಲ್ಲಿ, ಕಶೇರುಕಗಳು ಮತ್ತು ಕ್ಯಾರಿಯನ್‌ಗಳನ್ನು ತಿನ್ನುವ ಪಕ್ಷಿಗಳ ಸಂಖ್ಯೆ ಕುಸಿತವಾಗಿದೆ.  ಈ ಆಹಾರ ಸಂಪನ್ಮೂಲವು ಹಾನಿಕಾರಕ ಮಾಲಿನ್ಯಕಾರಕಗಳನ್ನು ಹೊಂದಿರುತ್ತವೆ ಅಥವಾ ಅವುಗಳ ಲಭ್ಯತೆಯು ಕ್ಷೀಣಿಸುತ್ತಿದೆ ಅಥವಾ ಇವೆರಡೂ ಕಾರಣಗಳು ಸೇರಿರುತ್ತವೆ.  ಕೆಲವು ರಾಪ್ಟರ್‌ಗಳಲ್ಲಿ ಕೃಷಿ ರಾಸಾಯನಿಕಗಳು ಬದುಕುಳಿಯುವಿಕೆಯ ಪ್ರಮಾಣವನ್ನು ಕಡಿಮೆ ಮಾಡುತ್ತಿವೆ ಎಂಬುದರ ಕುರಿತು ಬಲವಾದ ಪುರಾವೆಗಳಿವೆ ಎಂಬುದನ್ನು  ವರದಿಯು ಹೇಳುತ್ತದೆ.

ಅಕಶೇರುಕಗಳನ್ನು (ಕೀಟಗಳು ಸೇರಿದಂತೆ) ತಿನ್ನುವ ಪಕ್ಷಿಗಳು ವೇಗವಾಗಿ ಕ್ಷೀಣಿಸುತ್ತಿವೆ. ಪ್ರಪಂಚದಾದ್ಯಂತ ಕೀಟಗಳ ಸಂಖ್ಯೆಯು ಕಡಿಮೆಯಾಗಿದೆ ಮತ್ತು ಯುರೋಪಿಯನ್ ಕೀಟನಾಶಕ ಪಕ್ಷಿಗಳಲ್ಲಿ ಭಾರಿ ಕುಸಿತಕ್ಕೆ ಕೀಟನಾಶಕಗಳು ಮುಖ್ಯ ಕೊಡುಗೆಯಾಗಿವೆ ಎಂಬುದು  ಇತ್ತೀಚಿನ ಸಂಶೋಧನೆಗಳಿಂದ ಸಾಬೀತಾಗಿದೆ.

ವಿಶ್ವದ ಕೀಟಗಳ ಸಂಖ್ಯೆಯು ಶೇಕಡ  40 ಕ್ಕಿಂತ ಹೆಚ್ಚು ಇಳಿಮುಖವಾಗಿದೆ ಮತ್ತು ಮುಂಬರುವ ವರ್ಷಗಳಲ್ಲಿ ಅಳಿವಿನಂಚಿನಲ್ಲಿರುವ ಸಾಧ್ಯತೆಯಿದೆ. ಭಾರತದಲ್ಲಿನ ವಿಜ್ಞಾನಿಗಳು ಇದೇ ರೀತಿಯ ಪ್ರವೃತ್ತಿಗಳು ಇಲ್ಲಿನ ಸಮಸ್ಯೆಗಳಿಗೆ ಕಾರಣವಾಗಿರಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.  ಆದರೆ ಈ ಕುರಿತ ಅಂಕಿಅಂಶ ಸೀಮಿತವಾಗಿದೆ.

ಹಣ್ಣು ಮತ್ತು ಮಕರಂದವನ್ನು ತಿನ್ನುವ ಪಕ್ಷಿಗಳ ಸಂಖ್ಯೆ ಇತರ ಪಕ್ಷಿಗಳಿಗೆ ಹೋಲಿಸಿದರೆ  ಉತ್ತಮವಾಗಿವೆ “ಬಹುಶಃ ಈ ರೀತಿಯ ಸಂಪನ್ಮೂಲಗಳು ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿಯೂ ಲಭ್ಯವಿರುವುದು ಕಾರಣವಾಗಿರಬಹುದು  ಎಂದು ಅಧ್ಯಯನವು ಹೇಳಿದೆ.

ಸ್ಥಳೀಯ  ಮತ್ತು ವಲಸೆ ಬಾತುಕೋಳಿಗಳ ಸಂಖ್ಯೆ ಕುಸಿತವನ್ನು ಅಧ್ಯಯನ ಗಮನಿಸಿದೆ.  ಕೆಲವು ಪಕ್ಷಿಗಳು ಮತ್ತು ಪಕ್ಷಿಗಳ ಗುಂಪುಗಳು ಏಕೆ  ಕ್ಷೀಣಿಸುತ್ತಿವೆ ಎಂದು ನಮಗೆ ಅಧ್ಯಯನದಿಂದ ತಿಳಿದಿದೆ. ಈ ಕುರಿತು ಸಂಶೋಧನೆಯನ್ನು ಕೇಂದ್ರೀಕರಿಸಲು ಪ್ರಸ್ತುತ ಮಾಹಿತಿಯನ್ನು ಹೊಂದಿದ್ದೇವೆ ಎಂದು ವಿಶ್ವನಾಥನ್ ಹೇಳಿದ್ದಾರೆ.

ಅಧ್ಯಯನದ ಶಿಫಾರಸುಗಳು

ಭಾರತವು ಸಂರಕ್ಷಿತ ಪ್ರದೇಶಗಳನ್ನು ಹೊಂದಿದ್ದರೂ ಮತ್ತು ಕೆಲವು ಪಕ್ಷಿ ಪ್ರಬೇಧಗಳಿಗೆ  ವಿಶೇಷ ರಕ್ಷಣೆ ನೀಡುವ ವನ್ಯಜೀವಿ ಸಂರಕ್ಷಣಾ ಕಾಯಿದೆಯಂತಹ ಕಾನೂನುಗಳನ್ನು ಹೊಂದಿದ್ದರೂ ಪಕ್ಷಿಗಳ ಸಂಖ್ಯೆಯು ಗಣನೀಯವಾಗಿ ಕಡಿಮೆ ಆಗುತ್ತಿರುವುದನ್ನು  ತಡೆಯಲು ಸಹಾಯಕಾರಿಯಾಗಿಲ್ಲ.

ಪರಿಸರ ಮಾಲಿನ್ಯಕಾರಕಗಳು, ಅರಣ್ಯ ಅವನತಿ, ನಗರೀಕರಣ, ಏವಿಯನ್ ರೋಗ, ಅಕ್ರಮ ಬೇಟೆ ಮತ್ತು ವ್ಯಾಪಾರ ಮತ್ತು ಹವಾಮಾನ ಬದಲಾವಣೆಯಂತಹ ಆತಂಕಗಳ ಕಾರಣದಿಂದ ಪಕ್ಷಿಗಳ ಸಂಖ್ಯೆಯು ಕ್ಷೀಣಿಸುತ್ತಿದೆ ಎಂದು ವರದಿಯು ಹೇಳುತ್ತದೆ. ವಾಣಿಜ್ಯ ತೋಟಗಳು ಅಥವಾ ಅರಣ್ಯೀಕರಣ ಕಾರ್ಯಕ್ರಮಗಳ ಮೂಲಕ ಏಕಬೆಳೆಗಳ ಹರಡುವಿಕೆಯು ಜೀವವೈವಿಧ್ಯತೆಯನ್ನು ಕಡಿಮೆ ಮಾಡಿದೆ.

ಮತ್ತೊಂದು ಅಪಾಯವೆಂದರೆ ಗಾಳಿ ಗಿರಣಿಗಳಂತಹ ನವೀಕರಿಸಬಹುದಾದ ಇಂಧನ ಮೂಲಸೌಕರ್ಯಗಳ ವಿಸ್ತರಣೆ. ತಿರುಗುವ ಗಾಳಿ ಟರ್ಬೈನ್‌ಗಳು ಮಾರಣಾಂತಿಕ ಘರ್ಷಣೆಗಳು, ಸ್ಥಳಾಂತರ ಅಥವಾ ಪಕ್ಷಿಗಳ ವಲಸೆ ಅಡೆತಡೆಗಳಿಗೆ ಕಾರಣವಾಗಬಹುದು. ವರದಿಯ ಪ್ರಕಾರ, 33 ಕುಟುಂಬಗಳ 60 ಜಾತಿಯ ಪಕ್ಷಿಗಳು ಭಾರತದಲ್ಲಿ ವಿದ್ಯುತ್ ತಂತಿಗಳ ಘರ್ಷಣೆ ಮತ್ತು ವಿದ್ಯುದಾಘಾತದಿಂದ  ಸಾವನ್ನಪುತ್ತಿವೆ.