ನೀರು ಮತ್ತು ಚಹಾದ ನಂತರ, ಬಿಯರ್ ಪ್ರಪಂಚದಾದ್ಯಂತ ಹೆಚ್ಚು ಸೇವಿಸುವ ಪಾನೀಯ. ಕೋಟ್ಯಂತರ ಮಂದಿಯ ಬಹುಮೆಚ್ಚಿನ ಪೇಯ. ಇಂಥ ಪಾನೀಯದ ಜನಪ್ರಿಯತೆಗೂ ಹವಾಮಾನ ಬದಲಾವಣೆ ನಕಾರಾತ್ಮಕ ಪರಿಣಾಮ ಬೀರುತ್ತಿದೆ.
ಹವಾಮಾನ ಬದಲಾವಣೆಯು ಪ್ರಪಂಚದಾದ್ಯಂತ ಸುಗಂಧಿತ ಸಸ್ಯದ ಹಸಿರು ಹೂವು (ಹಾಫ್‌ ಗಳು) ಕೃಷಿ ಮೇಲೆ ದುಷ್ಪರಿಣಾಮ ಬೀರುತ್ತಿದೆ ಎಂದು ಹೊಸ ಅಧ್ಯಯನವು ಕಂಡುಹಿಡಿದಿದೆ, ವಿವಿಧ ರೀತಿಯ ಇತರ ರುಚಿಗಳು ಮತ್ತು ಸುವಾಸನೆಯ ಮಿಶ್ರಣ ಜೊತೆಗೆ ಬಿಯರ್‌ಗೆ ಅದರ ವಿಶಿಷ್ಟ ಒಗರು ಅಥವಾ ಕಹಿಯನ್ನು ನೀಡಲು ಒಂದು ರೀತಿಯ ಸಸ್ಯವನ್ನು ಬಳಸಲಾಗುತ್ತದೆ.
ತಾಂತ್ರಿಕವಾಗಿ, ಹಾಪ್‌ಗಳು ಕ್ಲೈಂಬಿಂಗ್ ಹ್ಯೂಮುಲಸ್ ಲುಪುಲಸ್ ಸಸ್ಯದ ಹಸಿರು ಹೂವುಗಳಾಗಿವೆ. ಕೋನ್-ಆಕಾರದ ಹೂವುಗಳನ್ನು ತೆರೆದಾಗ ಜಿಗುಟಾದ ಹಳದಿ ಬೀಜಕೋಶಗಳು ಕಾಣುತ್ತವೆ. ಇದನ್ನು ಬಿಯರ್‌ಗೆ ವಿಶಿಷ್ಟ ಸುವಾಸನೆ ನೀಡಲು ಜೊತೆಗೆ ಮಾಲ್ಟ್‌ನ ಆಂತರಿಕ ಮಾಧುರ್ಯ ಸಮತೋಲನಗೊಳಿಸಲು ಸಹಾಯ ಮಾಡುವ ಒಗರು ಸೇರಿಸಲು ಬಳಸಲಾಗುತ್ತದೆ.
ಪ್ರಪಂಚದಾದ್ಯಂತ ಅಪಾರ ಹಾಪ್‌ಗಳಿವೆ. ಬಿಯರ್ ತಯಾರಿಕಾ ಪರಿಣಿತರು ತಮ್ಮ ಅಪೇಕ್ಷಿತ ಸುವಾಸನೆ ಮತ್ತು ಪರಿಮಳವನ್ನು ಪಡೆಯಲು ಅವುಗಳನ್ನು ಸಮರ್ಪಕವಾಗಿ ಮಿಶ್ರಣ ಮಾಡುತ್ತಾರೆ. ಕೆಲವಾರು ಪಾಕತಜ್ಞರು ಅವುಗಳನ್ನು ಅಡುಗೆಯಲ್ಲಿಯೂ ಬಳಸುತ್ತಾರೆ.
ಬಿಯರ್ ಪಾನೀಯಕ್ಕೆ ಅತ್ಯಗತ್ಯವಾದ ಈ ಅಂಶವು ಹೆಚ್ಚುತ್ತಿರುವ ಹವಾಮಾನದ ತೊಂದರೆಗಳಿಂದಾಗಿ ಗಮನಾರ್ಹ ಸವಾಲುಗಳನ್ನು ಎದುರಿಸಲು ಪ್ರಾರಂಭಿಸಿದೆ. ಇದು ಹವಾಮಾನ ಬದಲಾವಣೆಯ ಎಲ್ಲ ಪರಿಚಿತ ಪರಿಣಾಮಗಳಲ್ಲಿ ಒಂದಾಗಿದೆ. ಏರುತ್ತಿರುವ ತಾಪಮಾನ ಮತ್ತು ಅಲ್ಪ ಪ್ರಮಾಣದ ಮಳೆಯು ಪ್ರಪಂಚದಾದ್ಯಂತ ಹಾಫ್‌ ಗಳ ಉತ್ತಮ ಇಳುವರಿಗೆ ಅಡ್ಡಿ ಪಡಿಸುತ್ತಿದೆ. ಇದಲ್ಲದೇಹಾಪ್‌ಗಳೊಳಗಿನ ಸಂಯುಕ್ತಗಳ ಗುಣಗಳ ತೀವ್ರತೆಯನ್ನೂ ಕಡಿಮೆಗೊಳಿಸುತ್ತಿದೆ.
ಜೆಕ್ ರಿಪಬ್ಲಿಕ್, ಜರ್ಮನಿ, ಸ್ಲೋವಾಕಿಯಾ ಮತ್ತು ಪೋಲೆಂಡ್‌ನ ಐದು ಬೇರೆಬೇರೆ ಪ್ರದೇಶಗಳಿಂದ ಸಂಗ್ರಹಿಸಿದ ಅಂಇಅಂಶ ವಿಶ್ಲೇಷಿಸಲಾಗಿದೆ. ಇದರ ಮೂಲಕ ಯುರೋಪ್‌ನಲ್ಲಿ ಈ ಪ್ರಾಥಮಿಕ ಹಾಪ್‌ಗಳು ಬೆಳೆಯುವ ಸ್ಥಳಗಳಲ್ಲಿ ಹಾಪ್‌ಗಳ ಇಳುವರಿಯು 9.5-19.4% ರಷ್ಟು ಕುಸಿದಿದೆ ಎಂಬುದು ದೃಢ ಪಟ್ಟಿದೆ. ಇದರ ಜೊತೆಗೆ, ಆಲ್ಫಾ ಆಮ್ಲಗಳು ಎಂದು ಕರೆಯಲ್ಪಡುವ ಕಹಿ ಸಂಯುಕ್ತದ ಸಾಂದ್ರತೆಯು ಸಹ ಸಸ್ಯದಲ್ಲಿ ಕುಸಿದಿರುವುದು ಅಧ್ಯಯನದಿಂದ ಗೊತ್ತಾಗಿದೆ.
2050 ರ ಹೊತ್ತಿಗೆ, ಇಳುವರಿಯು 1989 ಮತ್ತು 2019 ರ ನಡುವೆ ಗಮನಿಸಿದ ಮಟ್ಟಗಳಲ್ಲಿಶೇಕಡ 4-18 ರಷ್ಟು ಕಡಿಮೆಯಾಗುವ ಸಾಧ್ಯತೆಯಿದೆ ಎಂದು ಅಂಕಿಅಂಶ ತೋರಿಸಿದೆ. ಆಲ್ಫಾ ಆಮ್ಲಗಳು ಸಹ ಶೇಕಡ 20-31% ರಷ್ಟು ಬೃಹತ್ ಪ್ರಮಾಣದಲ್ಲಿ ಕುಸಿಯುವ ಸಾಧ್ಯತೆಯಿದೆ. ಇದಕ್ಕೆಲ್ಲ ಕಾರಣ ತಾಪಮಾನ ಹೆಚ್ಚಾಗುವಿಕೆ ಮತ್ತು ಪ್ರದೇಶದಲ್ಲಿ ಬರಗಳು ಹೆಚ್ಚುವುದು ಜೊತೆಗೆ ತೀವ್ರಗೊಳ್ಳುವುದೇ ಆಗಿರುತ್ತದೆ.
ಬೆಳೆ ಪರಿಣಾಮಕಾರಿಯಾಗಿ ಬೆಳೆಯಲು ಸ್ಥಿರ ಮತ್ತು ಮಧ್ಯಮ ಹವಾಮಾನದ ಮೇಲೆ ಸಾಕಷ್ಟು ಅವಲಂಬಿತವಾಗಿದೆ ಎಂದು ಪರಿಗಣಿಸಿ, ತಂಡವು ಸಸ್ಯ ಮತ್ತು ಮಾರುಕಟ್ಟೆಗೆ ಹೊಂದಿಕೊಳ್ಳಲು ಸಹಾಯ ಮಾಡಲು ತ್ವರಿತ ಪರಿಹಾರ ಕ್ರಮಗಳನ್ನು ಸೂಚಿಸುತ್ತದೆ. ಆದಾಗ್ಯೂ, ಪ್ರಸ್ತುತ ದರದಲ್ಲಿ, ಸಾಮರ್ಥ್ಯ ಮತ್ತು ಇಳುವರಿಯಲ್ಲಿ ಭವಿಷ್ಯದ ಕುಸಿತವನ್ನು ಸರಿದೂಗಿಸಲು ಸುವಾಸನೆಯ ಹಾಪ್‌ಗಳ ಪ್ರದೇಶವನ್ನು 20% ರಷ್ಟು ವಿಸ್ತರಿಸುವುದು ಅಗತ್ಯವಾಗಬಹುದು ಎಂದು ಲೇಖಕರು ವಿಷಾದಿಸುತ್ತಾರೆ.
ಇದಲ್ಲದೆ, ಅದೇ ಗುಣಮಟ್ಟ ಮತ್ತು ಸುವಾಸನೆಗಳನ್ನು ಖಚಿತಪಡಿಸಿಕೊಳ್ಳಲು, ಹಾಪ್ ಬೆಳೆಗಾರರು ತಮ್ಮ ಕೃಷಿಯಲ್ಲಿ ಹೆಚ್ಚುವರಿ ಹೂಡಿಕೆ ಮಾಡಬೇಕಾಗುತ್ತದೆ. ಇದು ಮತ್ತು ಪಳೆಯುಳಿಕೆ ಇಂಧನಗಳ ಹೆಚ್ಚುತ್ತಿರುವ ವೆಚ್ಚಗಳಿಂದಾಗಿ ಹೆಚ್ಚುತ್ತಿರುವ ಇಂಧನ ಬೆಲೆಗಳು ಬಿಯರ್ ಬೆಲೆಗಳಲ್ಲಿ ಹೆಚ್ಚಳವನ್ನು ಸೂಚಿಸುತ್ತದೆ ಎಂದು ತಜ್ಞರು ಭಾವಿಸುತ್ತಾರೆ.
